Glamur, Moda, beyesa, fiesta, farándula i evento! Kiko ta e último tendensianan den moda? Kua produktonan nobo tin riba merkado aktual? Unda bo por hasi bo por bai pa bo lusi ku glamur?Monique Felida ta trese bo un programa yená ku informashon i entrevista ku diferente persona den mundu di moda, beyesa, fiesta, farándula i otro eventonan di momentu. Glamur ta mashá gustá tambe pa e segmentonan komersial den kua Monique Felida ta laga nos sera konosí ku e produktonan ku e diferente kasnan komersial i agensianan ke introdusí na e televidente. ?Pa esnan ku ke keda na altura di eventonan i fiestanan pendiente i tambe di okashonnan spesial, Glamur ta é programa di TeleCuracao ku ta tene bo na altura ku e toke típiko di Monique. Glamur, un programa variá presentá pa un di e karanan mas konosí na televishon lokal, Monique Felida. “Glamur” ta pasa tur djaweps anochi 21.15. Idioma: Papiamentu Presentadó: Monique Felida |
