Bo Tra’i Mèrdia, Bo merkado televisivo i interaktivo. Hubert Hoogvliets a introdusí na aña 1996 e formula lokal pa informá, konsientisá i entretené pueblo di Kòrsou den oranan di mèrdia pa atardi na aña 1996. E ophetivo di e programa tabata pa ofresé pueblo di Kòrsou un alternativa pa novela na otro kanal i sintonisá nan planta nashonal pa wak un programa ku ta di nan mes. Asina a nase e programa Bó Trai Mèrdia. Na prinsipio e programa lo a air pa algun luna pa wak reakshon di pueblo, awe e programa ta eksistí 12 aña. Ophetivo di Bo Trai Mèrdia ta pa informá i konsientisá pueblo di Kòrsou riba desaroyonan sosial i otro susesonan positivo den nos komunidat. Hubert Hoogvliets ta hasi esaki di un forma ku ta komprendibel pa pueblo, tresiendo e tópikonan di e programa di un forma komun i relahá. Trai Mèrdia ta un programa diario i tur dia bo por spera un tópiko fresku i interesante. Tur dia tin invitadonan ku ta bin papia ku Hubert tokante nan proyektonan i otro tópikonan interesante. E parti komersial ta un parti integral di e programa. Aki komersiantenan ta haña e oportunidat pa presentá nan produktonan na pueblo, ofresiendo e televidente un bista di su surtido i servisio. Trai Mèrdia ta gosa di un gran sintonía den oranan di mèrdia. Nos ta invitá bo pa sigui sintonisá Bó Trai Mèrdia pa bo tambe keda informá di lokual ku ta pasa den nos komunidat. “Bo Tra’i Mèrdia” ta pasa di djaluna pa djabièrnè di 13.00 ‘or pa 15.30 ‘or di atardi. Idioma: Papiamentu Presentadó: Hubert Hoogvliets |
