TeleNotisia E boletin di nositia di TeleCuraçao ta e fuente di informashon mas importante di nos pais. E pueblo tin garantía di un boletin alkaso, konfiabel i ofisial. Enkuestanan di 2003, 2005 i 2007 ta indiká ku TeleCuraçao ta dispone di 80% di merkado, di kual TeleNotisia ta e programa di Televishon mas mirá na Korsou.Tin dos edishon di TeleNotisia diariamente, kuminsando mitar di unu ku e boletin di mèrdia i e boletin estelar di 8’or di anochi. E tim di redakshon di TeleNotisia ta konsisti di redaktornan i kamarógrafonan eksperensiá ku ta traha tur dia di nobo pa trese un boletin bon variá, imparsial i interesante pa e televidente. Ta e intenshon pa TeleNotisia den futuro bai “live” ku mas frekuensha ku boletinnan èkstra for di e luga di suseso. Durante e ultimo aña TeleNotisia ta visibel tambe via e plataforma YouTube. Aktualmente tin mas di 3 mil reportahe di TeleNotisia riba e website internashonal aki. E boletin di TeleNotisia a konosé varios kambio positivo den e ultimo añanan i e intenshon ta pa sigui trese reportahenan alkaso di topikonan ku ta importante pa nos komunidat televidente. “TeleNotisia” ta pasa tur mèrdia 12.30 i tur anochi for di 8.00 ‘or ku e boletin estelar. Idioma: Papiamentu Presentadó: Departamentu di Notisia di TeleCuracao |
